20 лютага 2026 г. у выставачнай зале экспазіцыі «Музей вайны – тэрыторыя міру» адкрылася выстава «Перамогай народжаная», прысвечаная 80-годдзю ўтварэння Калінінградскай вобласці. Гэта выстава з'яўляецца сумесным выставачным праектам Дзяржаўнай бюджэтнай установы культуры «Калінінградскі абласны гісторыка-мастацкі музей» (Расійская Федэрацыя) і Дзяржаўнай установы «Мемарыяльны комплекс «Брэсцкая крэпасць-герой».
На мерапрыемстве прысутнічалі прадстаўнікі музейнай супольнасці, дыпламатычных місій, грамадскіх аб’яднанняў.
У экспазіцыі выставы прадстаўлены рэдкія ваенныя фатаграфіі са збораў Калінінградскага абласнога гісторыка-мастацкага музея і Расійскага дзяржаўнага архіва кінафотадакументаў (г. Санкт-Пецярбург), здымкі фотамастака Эдуарда Маўчанава.
Пра тых, хто ў чэрвені 1941 г. пачынаў свой баявы шлях ля сцен Брэсцкай крэпасці, хто вызваляў г. Брэст у 1944 г. і ўдзельнічаў у штурме г. Кёнігсберга, раскажа матэрыял з фондаў мемарыяльнага комплексу «Брэсцкая крэпасць-герой».
Выстава працуе да 31 сакавіка 2026 г.