21 чэрвеня 2023 г. у выставачнай зале экспазіцыі «Музей вайны – тэрыторыя міру» ў рамках правядзення мерапрыемстваў, прысвечаных Дню Усенароднай памяці ахвяр Вялікай Айчыннай вайны і генацыду беларускага народа адкрылася выстава «Тэрмінова ў нумар!» з фондаў Дзяржаўнай бюджэтнай установы культуры горада Масквы «Дзяржаўны музей абароны Масквы».
На выставе прадстаўлена 46 фатаграфій адных з самых вядомых франтавых фотакарэспандэнтаў. Найскладанейшы этап першага перыяду Вялікай Айчыннай вайны – Маскоўская бітва – быў схоплены аб'ектывам фотаапаратаў і камер вядучых фотакарэспандэнтаў краіны.
У храналагічным парадку паўстае яркая карціна жыцця рыхтуемай да асады Масквы, будняў яе абаронцаў, падрыхтоўка горада да абароны, правядзенне парада на Чырвонай плошчы 7 лістапада 1941 г. праз работы фатографа А.В.Усцінава. Контрнаступленне Чырвонай арміі пад Масквой і разгром нямецка-фашысцкіх захопнікаў вясной 1942 г. паказаны вачыма карэспандэнта Б.Я.Удавенкі. Працы карэспандэнта П.А.Трошкіна адрозніваюцца лірызмам, да іх амаль заўсёды пісаў нататкі яго лепшы сябар, пісьменнік Канстанцін Сіманаў. Здымкі фотакарэспандэнта У.М.Мінкевіча адрозніваюцца замалёўкамі будняў байцоў Чырвонай арміі.
Асобнай тэмай стаяць фатаграфіі спецыяльнага карэспандэнта ТАСС у Мінску М.І.Савіна.
Праца выставы працягнецца да 14 жніўня 2023 г.
Пасля адкрыцця выставы прайшла сустрэча Моладзевага парламента пры заканадаўчым Сходзе Калужскай вобласці з удзельнікамі Маладзёжнага парламента Брэсцкай вобласці. У ходзе мерапрыемства выступіла творчая група стваральнікаў мастацкага фільма «Падольскія курсанты» і адбыўся паказ карціны.
